مشكلة تقطيع النت

بواسطة: - آخر تحديث: ١٢:٢٨ ، ٢ أبريل ٢٠١٤
مشكلة تقطيع النت

مشكلة تقطيع النت

وهذه أيضا من المشاكل التي يعاني منها الجميع ويهدرون عليها الكثير من وقتهم وأعصابهم وتؤثر على مستوى عملهم وأدائهم ، وسوف أسوق هنا الحلول لمعالجة التقطيع في الانترنت بناءا على تجربتي وخبرتي الشخصية في هذا المجال وذلك بأسهل الطرق وأقلها كلفة :

1- سوف تقوم بتوصيل الراوتر من غير سبليتر يعنى هتركبه مثلا على سلك حرارة التليفون ع طول ولو كان عندك موجود عدة تليفون ومحتاج تركبها حط الاسبليتر قبل عدة التليفون .بس يكون الروتر واخد حراره من اول فيشة في البيت آو الشقه وجرب بقي كده لمدة يوم أو اتنين لو النت اتظبط يبقي العيب من السبليتر غيره أو اثبت على كده وخلى الروتر من غير سبليتر لو المشكله ما اتحلتش هتعمل الخطوه الجايه


2- تتاكد من سلك التليفون انه مش معدى جنب أجهزه كهربائية زى تكييف تلاجه أو أي أسلاك كهربه تردد عالى. واتاكد أن السلك مافهوش قطع أو لحمات تكون متأكسدة لو في اقطعها واعملها من جديد وجرب بعد الخطوه دى بيوم. لو المشكله ما اتحلتش هتعمل الخطوه الجايه


3- تتصل بالسنترال وتدخل الخط اعطال هتقولهم في وش عندى ف التليفون . تانى يوم الصبح هتلاقى واحد واقف على الباب بيخبط . هتقوله ممكن تقيس لى حرارة التليفون عشان فى وش والنت بيقطع . هيقيسه من البوكسه لو العيب منها هيغير مكان خط الحرارة في البوكسه . لو كويس هيقيس الخط من اول فيشة تليفون في البيت لو في عيب اطلب من يغيرلك السلك من البوكسه لغاية البيت بيبقى على حساب السنترال . لو لا قدر الله لسه المشكلة موجودة ع الخطوه الجايه


4- ممكن بقي العيب يكون من الروتر نفسه بس ده لو كان بيرستر يعنى بيطفى لمبة البور ويفتح تانى بس على العموم حاول تتصرف في روتر من عند واحد صحبك وجرب بيه لو منه يبقي لازم تغير الروتر


5- لو عملت ده كله والمشكلة لسه موجودة يبقي تكلم خدمة العملاء تى داتا 19777 وتقولهم على كل اللى انت عملته وهما انشاء الله هيحلولكالمشكله