احبك كثر ماقد صار

بواسطة: - آخر تحديث: ٠٧:٠٥ ، ٣١ مارس ٢٠١٤
احبك كثر ماقد صار

احبك كثر ماقد صار


احبك كثر ماقد صار احبك رغم ماقد صار


احبك كثر ماقد صار احبك رغم ما قد ماصار

احبك كثر مادنيا الزعل والصد مهجوره


احبك كثر ماتمطر بصدري من غلاك امطار

احبك كثر ماصارت اراضي الحب ممطوره


احبك كثر ماتفتح شبابيك الربيع أزهار

احبك كثر ماغنت عشان الصبح عصفوره


احبك كثر ماتاقف على جنب الطريق أشجار

احبك كثر مايقسى الشتاء وتهاجر طيوره


احبك كثر ماجاب المساء في معطفه زوار

احبك كثر ماجانا الصبح يشبهك نوره


احبك كثر ماتهدي كفوف الوصل من تذكار

احبك كثر ماشالت يدين المحب زهوره


احبك كثر مانقرأ عن الفارس عن المغوار

احبك كثر مانسمع ولا شفنا ولا أسطوره


احبك كثر ماتلعب بدنيا العاشقين أقدار

احبك كثر ما ذا الحظ دايم يلعن قصوره


احبك كثر ماعاثت رياح بحسبة البحار

احبك كثر ماالبحار يعشق نسمة بحوره


احبك كثر مايتلحف اللي منشغل باعذار

احبك كثر مافي الناس ناس بجد معذوره


احبك كثر ما ملت قصايدنا من التكرار

احبك كثر ما الشاعر تمنى حب جمهوره


احبك كثر ماشفنا على وجه الزمان آثار

احبك كثر مافي الأرض فقر وناس ميسوره


احبك كثر مادارت بذهن الحالمين أفكار

احبك كثر مافي الخير ناس بالخير مذكوره


احبك كثر مانرمى حكايات الحطب للنار

احبك كثر مانسمع حكايات حب مشهوره


احبك كثر ماضاق السجين بلعنة الاسوار

احبك كثر ماهاج البحر واجتاحته ثوره


احبك كثر ماننسى واحبك كثر مانحتار

احبك كثر مايسهر محب وفي يده صوره


احبك كثر مافي عينك من السحر والأغوار

احبك كثر مافيك الغلا ماوقت سطوره


احبك والزمن ساكن واحبك لو زماني دار

احبك يامدينة حب وسط الصدر معموره


احبك والتفت شاعر لعينك وانطرت أشعار

حلف مايمسى الليلة قبل ما يكتب شعوره


ورتبتك بصدري وأنت تستاهل وراعي دار

تفضل قلب اوراق الغلا وايديك مشكوره


وذكرتك وانت لو مثلك ذكرته هلت الانوار

وقمت أجمع من أشواقي قصايد عشق منثوره


تلبست الجمال وقلت ابهديك القصيد ازرار

غلاك وصدق حبك ماترك لي نفس مكسوره


انا عاشق جمال وما خفاني في الجمال أسرار

انا لامن كتبت اعطيك واعطي العشق بك دوره


كتبتك في القصيد ابيات من حسنك عليك تغار

حروف العشق طفلة في ثياب العيد مسروره


لقيتك والدلع والثقل شله والحسن ثرثار

يقول أشياء كثيره للعيون ويثبت حضوره


كفاية لو تطل ويفرح بطلتك دار وجار

كفاية لو تشوف الناس في نظرتك مأسوره


غرامك يغري حروف سقاها الصدق منك امطار

كتاباتي بتشهد للغرام وتحفظ عصوره


احبك مهما ابتعد عني بسبة الاقدار

احبك واحبك لو حبي توصله لك طيوره


احبك رغم ماقد صار .. احبك حيل مهما صار

احبك دام انا طيب .. واراضي العشق ممطوره

الحب الصادق ..


ليس بكلمة ينطقها المحب ..

انماهو رحمة .. وعطف .. ومشاعر .. واحساس صادق ..

يسكن قلب المحب .. وهو ليس طقوساً كما زعم عباد الشيطان ..

الحب نقاء وصفاء .. الحب شفاء ليس بلاء ..

الحب شباب لا يعرف أبداً معنى الشيخوخة ..

الحب كيان يحيا ويموت مثل الانسان ..

لا بد أن نسقيه لنحييه ولا بد أن نداويه لنشفيه ..

الحب الصادق في القلب الطاهر .. كزهرة في فصل الربيع ..

لا يأتيهاالصيف القاتل ولا يخدشها البرد القارص ولا يقصفها الخريف المدمر ..

والعقل الناضج بالحب الصادق ليس معطلاً ..

والقلب النابض بالحب الصادق قلب شاطرليس بليد ..

الحب الصداق قمر يتلألأ نوره في ليل مظلم .. ليضيء لنا العاطفة ..

وهو شمس بخيوط ذهبية .. تبعث دفئاً ليقينا من برد الشوق .. !

الحب الصادق .. هو أسمى معاني التعبير .. !

الحب الصادق .. لايحتاج رصف الكلمات أو تنسيق السطور بدون احساس !

فالأمي لا ينسق السطور ولايرصف الكلمات .. ولكن .. انظر عندما يلقى محبوبه .. أمواج تتلاطم .. وسيل من كلمات العشق تتدفق باحساس ..

ربما لا يعرف معناها .. وكأن لسانه لم ينطق .. بل أنالقلب هو الذي يهمس قائلاً أنا الحب الصادق .. !

2180 مشاهدة