شعر شعبي عراقي عن الفراق



شعر شعبي عراقي عن الفراق


هذه أشعار تحكي عن الفراق نوردها لك

گالو ما تجـــي وگالو عليك بعيد

ودرب كلش طويــل البينك وبيني

شح مني الدمع گـد ما بچيت أعليك

وأعاتب بالگمـــر هلبت يواسيني

ظلم كلش ظلم تحيـا وتموت بشوگ

وچا شنهو العمر من تذبـل رياحيني

تعب حتى الورق حبر ودمـع مخبوط

وحسره وي القلــم تاذيني وتبچيني

صفه رسمك حلـم عذب حنايا الروح

ومثل طيفك أبد مـــا شايف بعيني

نهر طولك عذب صـافي ويرد الروح

وأنه الميت عطش وبگطـره ترويني

أكتبلك شـعر وأسطـــرلك الأبيات

وانته بلا بخـــت بالفرگة تچويني

قيس بعام واحـد وتيبّس من الشوگ

وآنه سنين مـــرّت ما غفت عيني

گلي شلون رايك والعمــر محسوب

وچلمات الشماته تگـــول ناسيني

طلابه وي العشگ وأيامي كلهن ليل

وشمس حبك ظلم من مــا تضوّيني

كافــي من العتب راح أختم الأبيات

وأحچيلك سطر بـــي كل عناويني

مثلك ما شفت ولا رايـــد ولا ريد

وأحبك موت عنــــوان لدواويني

ري العمـــر مشوار تكضي ايامه وتعدي

ولو أدري الوكت دولاب ياخذبينه ويودي

جا ماشمت الشمات بيه ولا خنت ودي

ولاخليت دمعي يسيل تيزاب وحـــركـ خدي

مو انته الكلت أعوفك واخلـــف بوعدي

أشو نص الدرب يفلان وتبريت من عندي

لحيمي ودج عليه الريش وجناحك كوه بجبدي

كل هذه التعب والطيب ضيعته وصرت ضدي

صدكـ ينسى الفكر والضيم من يستغنى لمجدي

بعد وردة شبابي تفوح ماطاحت بمرض معدي

بعد حملي عدل مامال ليش تعوفني لوحدي

تدريني خشب وبنار بفركاك رماد وابدي

كل جرح يألم يطيب بس جرحك جرح يضل يدي

بعد شتريد من عندي شضحيلك بعد شفدي

ولو أدري النهايه بهاي ماجنت بهــــــواك أبدي

تعال لخاطر الله وخليني ارتاح

من زمان ما شافتك عيني

ولك هم تشتاقلي بالغربه مرات

لو ناسي الذي بينك وبيني

لو تدري الدمع ما فارق العين

ولا قلبي بغيابك مل ونيني

مشتاق اني الك ..... مشتاق اني الك

ولك قلبي محتام

هاي الارض ما توسع حنيني

يا همي وعذابي وحركت الروح

كضيت ويا الحزن اجمل سنيني

هم عود اني اشوفك واكعد وياك

وك ابوس تراب جدمك منتجيني