شعر عن السفر


الكثير من الناس تجبرهم ظروف الحياة من السفر للخارج مخلفين ورائهم الاحبة والاهل والاصدقاء يتألمون على فراقهم وينتظرون عودتهم بفارغ الصبر مما دفع العديد من الشعراء اصحاب الكلمات المعبرة للكتابة عن السفر

قصيدة الشاعر حمدان المري



استأذنك .. بسافـر ايـام .. وآجيـك

وان طالـت ايّـام السفـر .. لاتحاتـي

حتى ولـو طوّلـت .. مانـي بناسيـك

ياللي بدونك .. ويش تسـوا حياتـي؟

تامر على حاجه؟؟ .. بودّعـك واليـك

عسى عوّض الايـام .. فـي المقبلاتـي

حتى يدي .. ماودّهـا تفـارق يديــــــك

ساكت .. وانا اشوف البلا في سكاتـي

ماشفتني لارحت منك .. التفـت فيـك

بـلاي والله (( روحتـي والتفـاتـي))

لكن قبـل مـاروح .. ودي اوصيـك

وانت الوحيـد اللـي يقـدّر وصاتـي

لاحدٍ سالك .. وقالك ((وين مغليك؟؟))

قلـه: " لـوازم لاقضـاهـا بيـاتـي "

وان طروا النسيـان .. مانـي بناسيـك

يـاراس مالـي فـي الحيـاه .. وغناتـي

وان طروا السلـوان .. مانـي بساليـك

طيفك معي حتـى وانـا فـي صلاتـي

قلبي .. وهـو قلبـي اذا مـرّ طاريـك

لولا ضلوعـي .. كـان عـزوا مماتـي

لو جض صدري .. كان يمديـه ياتيـك

ويبـات عنـدك .. ويهنـى بالمبـاتـي

انا .. وقلبي .. والغلا .. ساكـنٍ فيـك

وانته .. وقلبك .. والغلا .. وسط ذاتـي

غلاك .. مثل الحكـم عـــنـد المماليـك

اكـبــر طموحــــي .. لا .. كـل امنياتـي

شف فـي غيابـي ايّ حاجـه تسليـك

لاني بعدك .. اسلى مـع (( ذكرياتـي))

احــــاول اذكـــر .. اي شـــيٍ يـطريــك

"واقول هو سوا .. وانـا ذي سواتـي "

كني مـوادع .. كــل شـيٍ حــواليـك

وكني حسبت حساب ((حزة وفاتـي))

احب ... لاني مقدر انسـاك ... وآبيـك

ولا اقـدر اخليـك .. ياللـي تحاتـي

معنى احب .. وماقدر انسـى واخليـك

((يعني بدونك ويش تسـوا حياتـي؟))

قصيدة تعال من السفر كافي من الفراق –للشاعر كريم العراقي


تعال من السفر كافي من الفراق ....

ما هزك حنين ولا يوم تشتاق....

قلت يومين لكن صارن سنين....

لا قلبك يسألك صاحبك وين ....

كثر حزني بغيابك .... ليش الفراق ..؟؟؟!!!!

اريد اتباهى بيك ويا المحبين ....

انا روحي غريبه وبين عشاق ...

بكت يمه وقلت باكر تفرحين

واصبرها واقول ... تجيبه الاشواق ...

واشوف بعيني جيات المبعدين

انا لجيتك حبيبي هواي مشتاق

ولك في القلب شايل حب مجانين

اريد اشفق حبيبي بروحك شفاق

واريد انقلب كل لشوفتك عين

ذكرتك والسما مغيمه

وعليك الروح محتاره

وينك ما الك عنوان؟؟!!!

واسمك ضاعت اخباره

دلني واجيك اليوم

ودمع العين يا الجاره

البحر لو يبعدك عني

اسوي القلب عباره

فوق الغيم ...

جو الغيم ...

اطير بغير طياره

قصيده عن السفر وفراق الاحباب


ليت السفر بين المحبين ممنـوع

تحجز جوازات المحبين بالذات

حتيش لوأن السفر حق مشـروع

المشكله لأهل الهوى حزن وآهات

لاغاب خلّك والرجاء فيه مقطـوع

لابه رسايل توصلـك وأتصـالات

الخط مغلق كنّه الكـرت منـزوع

من ضيقتك تلعن جميع أشتراكـات

تضرب على الكفّين والقلب مفجـوع

تضيق بك عقبه جميـع المساحـات

في ليل دامس ضايعٍ مابـه شمـوع

الفكر تايه فـي دروب المتاهـات

العين تذرف بالدقايق لـه أدمـوع

والقلب عايش بين حسره وونـات

ولوّك تجر الصوت ماهوب مسموع

ياطول ما بينـك وبينـه مسافـات

يمكن ظروفه مامشت له على طـوع

ويمكن سلا فكره بروحـه وجيّـات

سايح بدار المغرب والأجـر مدفـوع

يسرح ويمرح بيـن سجّـه ولـذات

الجو صافي بين خضـره وينبـوع

وأنت بسموم القيض مابه أجـازات

الهم مدهالك من أسبـوع لأسبـوع

لاحل ذكرى الترف هلّيـت عبـرات

صار السفر كنّه مثل حبّة الكوع

جمع الحبايب سابـع المستحيـلات

بس الأكيد أن الغلا فيك مـزروع

الحب يبقى بالضمايـر ولا مـات

الصدق قلته والزعـل دوم مرفـوع

وقت السفر تبدي كثيـر المعانـات



قال علي رضي الله عنه

تغرب عن الأوطان في طلب العلا

وسافر ففي الأسفار خمس فوائـد

تفرج هم واكتســــاب معيشة

وعلم وآداب وصحبة مـــاجد

فإن قيل في الأسفار هم وكربـة

وتشتيت شمل وارتكاب الشدائـد

فموت الفتى خير له من حياتـه

بدار هوان بين واش وحــاسد

غريب الدار

وكيف يذوق النوم من عدم الكرى

ويسهـــر ليلا والأنام رقود

وقد كان ذا مـــال وأهل وعزة

فأضحى غريب الدار وهو وحيد

له جمـــرة بين الضلوع وأنة

وشوق شديد مـــا عليه مزيد

تولى عليه الوجد والوجد حــاكم

يبوح بمــــا يلقاه وهو جليد

وحالته في الحب تخبـــر أنه

حــزين كئيب والدموعشهود