أبيات شعر لأعياد ميلاد الأحبة و الأصدقاء :


كل سنــــــــه و إنته بخير وعيد ميلادك سعيد

كل سنه و إنته يا غـــــــــالي أجمل أيام العمر


كل سنه وحبك في قلبي يا بعد عمـــري يزيد

كل سنه و إنته رفيقي وصاحبي وأغلى البشر



ليش تسألني وتدري إنه الجــواب عندي أكيد

يعني معقـــــــــوله أنا أنسى يوم ميلاد القمر



حافظ التــــــــاريخ والله مهما كنت عنك بعيد

مستحيل أنساه لــــو ينسى النحل ريح الزهر



إيش أقـــــــــــــدم لك هديه ما يوفيك القصيد

إنته أغلى من هدايا الكـــــــــون يا أحلى قدر



ودي لو أهديك روحــــــي والا قلبي والوريد

كل مــــــــا تطلب حلالك لو طلبت حتى النظر



الهديه ماهي الا رمز والرمز مـــــــــــــا يفيد

لا تظن إني بوافــــــــق أشتري غرشت عطر



يا عطر عمري وحياتي يا قديمي والجــــــديد

هاك خذ عمري هديه والله يفــــــــــداك العمر


المهم تكــــــــــــون راضي وغير هذا ما أريد

ما أريد الا أشــــــــــوفك نجمة في عز الظهر


وما أبي غيري يشـــوفك خلني في قلبك وحيد

لا تظن في حــــــــــد غيري يحبك إنته هالكثر


بحتفل فيك وبغني وبكتب أشعــــــــار وقصيد

الله يالأيام تمشي كنها فـــــــــــــي لحضه تمر



إنطفت عشرين شمعه يالله عقبــــــــال المزيد

ما أصدق هذا إنته طفل ٍ بســــــــــــرعه كبر



الله يخليك لأهلك يا عسى عمــــــــــــرك مديد

وتبقى لي يارب يارب قـــدوة وإعجاب وذخر


وأحيا قربك طول عمري وأبقى في ظلك سعيد

وتبقى إنته في حيــــــــــاتي أجمل أيام العمر


كل سنه وإنته بخير وعيــــــــد ميلادك سعيد

كل سنه وإنته رفيقي وصاحبي وأغلى البشر



أبيات شعر قدميها لزوجك في عيد ميلاده :

اليوم ميلادك يالغلا واحترت شو اهديك

عبير ورود وشموع تضوي لياليك

عيوني حبيبي ترخص لك وتفديك

خذها عيوني فداك والقلب مغليك

عمري كله فداك ان كان يرضيك

وكل مافيني من شجون لأجل عينيك

ادري كنوز هالدنيا كلها ما تغويك

عسى عمرك طويل الله يخليك

لعيون حبيب دوم مغليك



بحتفل يالغالي معاك

واشعل لك شموع المحبه من غلاك

واقول لك

كل عام وانت يالغالي بخير

يا عسى تبقى لي عساك



اهني اليوم بك انته

عشانك من مواليده

واغنيلك في ميلادك

عساها لك سنه سعيده

ضويت الشمع بيديني

حبست بوقتها أنفاسي

تمنيتك تجي عندي

تعيش الفرحه بأحساسي

تقشت اسمك على روحي

تظمته عقد بأحلامي

هديه لك اقدمها

في ليلة فرحة ايامي

حبيبي ودنيتي وعمري

اعيش احلامي بعمرك

عسى ربي يعيد اليوم

مية مره وانا بقربك



كل عام وانت يا عمري بخير

كل عام وانت طيب يا غلاي

كل عام بحتفل بك انت غير

يا عسى عمرك مديد يا مناي

يا اغلى من يمشي على الدنيا ويسير

يا نظر عيني ويا بسمة شفاي

شمعة اعيادك عسى دايم تنير

مثل ما نورت بوجودك سماي

ايه احبك حب يا عمري كثير

صعب اوصف لك شعوري يا هواي

كل عام وانت ياعمري بخير

كل عام وانت يا قلبي معاي



غنــوا لحبــيــبي و قــدمــوا له التهانــي

في عيــد ميــلاده عــساهــا 100 عــام

افرح حبيبــي و اطـلب اغــلــى الامــاني

الـليــلــه يــاعــمــري تــنــاديـك الاحـلام



يــاعيــد قلبي .. صاحبي عيد ميلادك

"العمـــركله" لــك .. فرحه وشرحه

عساني حي .. وأحضر كـــل أعيادك

واهديك وردات الـــغلا فوق صرحه

ازداد عمــــرك .. صح!.. لكنه ازدادك

في خافقي لك بالـــغلا ألف صفحــــه



في أحلى يوم بالشهر

حبيت أسبق البشر

وأهني اللي أحلى من القمر

وأغلى من النظر

وأبارك لها بيوم ميلاد العمر

وأطلب من ربي يحفظها طول الدهر

وأقولها كل عام وانتي بخير وعقبال بليون عمر



اليوم ميلادك وأنا فيه موعود

يا أغلا دروبي ياغلاي وودادي

الكون ونجومه على حبك شهود

كل المجرة تعرف ان مرادي

اليوم ميلادك وانا اليوم مولود

مدام حبك حب والنبض هادي



ودعت بك عام مضى

واقبلت بك عام جديد

ياللي حياتي لك رضى

يالله عسى عامك سعيد



تمنيت أكون أنا وياك

عالبحر نضوي الشموع

وننتظرالوقت يمر لجل

أحتفل بميلادك ياقمر

وأباركلك بلي مضى

واللي جايلك من عمر

وأهمسلك كل عام وإنت بخير

يا أحلى البشر

تصدق عاد احترت بالهديه

الورد ولاّ العطر

لا إنت قدرك أكبرمن هالقدر

ولجل هذابهديلك كلمة

تذكرني بها طول العمر

أحبك يا أغلى البشر


تمنيت أكون أول من يهنيك

وأكون فهاليوم منك قريب

بس شاءت الأقدار وكل واحد منا فطريق

مدري من السبب أنا ولاّ إنت

بس اللي أعرفه

كل واحد منا عن الثاني بعيد

حبيبي أنا مانسيت وبهاليوم الشمع ضويت

ولما جا الوقت طيفك هنيت

كل عام وانت بخير

ترى والله لك حنيت

الله يحفظك يا أغلى من حبيت



كل عاام وإنت حياتي يا حياتي

أبحتفل بميلادك حتى لو طالت بيننا المسافاتي

أنا من لي غيرك يستاهل كل تضحياتي

روحي وعمري وقلبي فدوه لك يا غلاتي

بقربك حلت ساعاتي وبحبك حققت أمنياتي

الله يخليك لي ياغناتي