شعر مدح الصديق


في هذا المقال أجمل أشعار مدح الصديق

الموقف اللي صدو عنك وخلوك

وضاقت بك الدنيا ولا فيه فزاع

ابشر بعزك لعنبو من عادوك

تأمر علي وانا أجيك بياع

لاتشتكي الدنيا وان حي ياخوك

يفداك راسي وكلي لك انصاع



الجود شيخ تملكه عدة اطراف..بس المراجل حالفه انك ولدها

عريب واجد وحاوين كل الأعراف..دنياك جنه بس فعلك رغدها

كن العلوم الطيبه عندك اهداف..صارت فريسه وانت كنك اسدها



قم يانديبي بالعجل واحمل النص..وصل اكتابي والأمانه على شاص

شاص خليجي للنشاما مخصص..شد البلد مضمون عن كل الأنقاص

مرسله للي يفعل الطيب مخلص..طبيعته دايم على الطيب حراص

وجودي على اللي خوته للمريض علاج..يداوي صويبن في صميم الحشى لاج

رفيق الرفيق ورفقته فوق راسي تاج..ياعله فداه اللي يخيب رجى الراجي



يشتاق قلبي للمطاليق..شوق الحبيب اللي تمنى حبيبه

كنز الرجال ولا كنوز الصناديق..المال يفنى والنشاما تجيبه

رعاك ربي من عيون المخاليق..والله يصيب اللي يبي لك مصيبه

فيني شموخ غارسه شايبي غرس..ومهما يجور الوقت مالن راسي

ابوي علمني وانا حافظ الدرس..ماأخـــــــــــــــالف سلم جدي وساسي

انا حمست العز في داخلي حمس..وهيلت فنجــــــــانه وقندت راسي

أنت الذي يرمى بك الظن ويصيب..والا الردي ماله على الظن طاقه

ساسك عريب وراسك اطيب من الطيب..وابوك يرخي للثقيله شقاقه

والأبل ليا أقفت ماتجي بالمناديب..وحنا على ماقيل ربع ورفاقه

عسى الصديق الوافي: الضيق مايضيق

تفداه حضرِ(ن) ما تعرف السياقة

جمر البعد عنه يْغلي فوقه بريق

والصدر بتروله يزيد احتراقه

لا جاك مقبل ما يوّفيه تصفيق

ولا هو مكفي ذبح ألفين ناقة

وان راح عنّك يا كثر تبلع الريق

كأنك المجرم بحبل اختناقة

ما حيلتك غير الدعا والترفّيق:

(ان كان ماني ملتقي به ع فاقة

عسانا في قبرين وسع وملاصيق

ونصير ف الفردوس ربع ورفاقة)

بعض العرب لقيا محيّاه سحّاب

كلّ ن يدوّر وش هو آخر خبرها

علّ وْعسى يمطر على الارضْ سكّاب

ولاّ يحرّك نسمةٍ ن في شجرها

بارد نسيمه يسلب القلب الاتعاب

ويجيب من ماضي سنينه ذِكرها

ويجيب شيٍّ ن ( كان) لليوم ما غاب

لو هي ظروف الوقت يصعبكسرها