تحت الربع بجنيه وربع

بواسطة: - آخر تحديث: ٠٧:١٩ ، ١٢ مايو ٢٠١٤
تحت الربع بجنيه وربع
  • بطولة احمد ادم و الشحات مبروك
  • قصة الفيلم : تعمل الفتاه الفقيرة سكر كبائعة مناديل ورق ولها علاقة بزميلها أبو سمره الذي يعدها بالزواج. يعجب بها رجل الأعمال الثري هشام بكر ويعرض عليها الزواج. وفي ليلة الزفاف تكتشف أن هشام بكر سيتلاعب بها. فتهرب منه سكر لتذهب وتتزوج من أبو سمره فيقرر هشام الانتقام وتتوالى أحداث الفيلم .

من يومين كده كنت بحاسب واحد من الزباين وكان بقيله ربع جنيه،ودار بينا الحوار ده..

انا:ثوانى اجيبلك الربع جنيه الباقى

الراجل: خليه يادكتورة مش مهم

انا: لا ازاى ده حقك

الراجل :مش مستاهلة ياستى ثم هو بقى لسه فيه حاجة اسمها ربع جنيه ده الجنيه نفسه خلاص الله يرحمه اقولك ولا تزعلى هاتيلى بيه اى حاجة مناديل مثلا..

انا:معلش المناديل بنص !

الراجل(وهو بيضحك): علشان تصدقى لما اقوك مش جايب همه ..اقولك هاتى فوار اهضم بيه اللى بيحصل ..واخده ومشى

طلعت انا بقى الربع جنيه من الدرج وفضلت ابصله..يااااااااااااه اد كده مابقاش ليك قيمة؟!

فين ايام زمان..انا فاكرة كوبس وانا صغيرة قبل مادخل المدرسة على طول.فاكرة لما بابا الله يرحمه كان بيدينى مصروفى اللى كنت ببقى مصممة انه يبقى ربع جنيه..حتى لما كنت باخد نص او جنيه كنت بصمم انه يتفك ارباع..ماكنتش بفرح الا لما امسك الورقة اللى ماعرف ان كان لونها ازرق ولا اخضر!

كنت بشوفها مختلفة عن باقى الفلوس وياسلام لو كانت عيدية..ربع جنيه جديد لانج والوانه زاهية كده وتشد..قمة الفرحة

كان بيجيب وقتها حاجات كتيرة..كان بيجيب كل الحاجات اللى انا بحبها على الاقل..بلونات..شيكولاتات..بومب..كل حاجة وخصووووصا البسبوسة ..

كنت انا واصحابى نروح لمحل الحلويات اللى فى اول الشارع وكل واحد معاه الربع جنيه بتاعه ونديهم للراجل اللى عارف طلبنا اليومى طبعا ..كل واحد قطعة البسبوسة المتينة

عدت الايام وفضلت معزتى للربع جنيه زى ماهى..احب ادى لاصحابى فى العيد ربع جنيه جديد مكتوب عليه كلمة حلوة واخد منهم بردو ربع جنيه مكتوب عليه كلمة حلوة.. فضلت معانا العادة دى لحد ما طلعولنا فى يوم بحكاية الربع جنيه المخروم..وبعدين سدوا الخروم وعملوا الربع جنيه المقروض الصغنن ده ..بهدلوه يعنى..وماكتفوش بده ..لا..وصلوا الناس لدرجة الزهد فيه حتى ولو كان حقهم !! حطيت الربع جنيه فى الدرج تانى ولقتنى بقول ..ايييييييه كانت ايام

الشحات مبروك

اسم الولادة: الشحات سعيد مبروك

الدولة : مصر

تاريخ الولادة: 11 أغسطس 1959 (العمر 54 سنة)

مكان الولادة: دسوق، مصر

سنوات العمل 1989 - حتى الآن

عن حياته: من مواليد مدينة دسوق محافظة كفر الشيخ من أبطال رياضة كمال أجسام. بدأ حياته كصانع أحذية، وأدى تقدمه في الرياضة إلى استخدامه في بعض الأدوار السينمائية المصرية القليلة الشهرة (نسبياً) للاستفادة من هيئته الرياضية وذلك في أواخر الثمانينيات وخلال التسعينيات وقد إكتشفه إبراهيم الموجي في فيلمه المرشد ،وأشهر أفلامه فيلم أمريكا شيكا بيكا عام 1993م ،الذي ساعده على احترافه للتمثيل حيث قام بتمثيل العديد من الأفلام العربية والجدير بالذكر أيضا أن الشحات مبروك صاحب أكثر عدد من الميداليات الذهبية في ميزانه لبطولة العالم للهواة وهو يعتبر أبرز أبطال رياضة كمال الأجسام في العالم العربي ،ومن أفلامه :اللعب مع الأشرار ،الشجعان ،وهو يستعد لفيلم جديد بعنوان (معركة سوزان) ويعتبر هذا الفيلم أول تجربة إنتاج يقوم بها في السينما وقد رشح الشحات مبروك الفنانة عايدة رياض للاشتراك معه في بطولة الفيلم.

أفلامه:

1) علقة موت (2009)

2) تحت الربع بجنيه وربع (2000)

3) أمواج الغضب (1999)

4) ساعة الأنتقام (1998)

5) أبو خطوة (1998)

6) استقالة ضابط شرطة (1997)

7) اللومنجى (1996)

8) الغاضبون (1996)

9) الغجر (1996)... مسعد

10) الخطيئة السابعة (1996)

11) تار بايت (1995)

12) غريب في الميناء (1995)...

13) هارب إلى السجن (1995)

14) المعلمة والأستاذ (1995)

15) كلاب المدينة (1995)

16) مصيدة الذئاب (1994)

17) انتقام امرأة (1994)

18) أجدع ناس (1993)

19)هي والعملاق (1993)..

20) أمريكا شيكا بيكا (1993)

21) لهيب الانتقام (1993)...المجند سابقا

22) لا يا عنف (1993)

23) الشجعان (1992)...

24) المرشد (1989)

25) الغاضبون (1996)...