ابيات بدر بن عبدالمحسن

ابيات بدر بن عبدالمحسن

قصيدة: لليل أحبك

لليل أحبك… ما بقى في السما نور
وإلي ضواني الليل… للصبح أحبك
واللحظة اللي كلها صد وغرور
أشوف قبري بين عينك وقلبك
في صدري اسراجٍ حزين ومكسور
رغم المطر والريح... شلته افدربك
والله ما به غير لوعاتي قصور
وخوفي عليك الله ربي… وربك
إلى متى ببني على صمتك جسور
لاحيرتني أسباب سلمك وحربك
العمر أحبك... ما بقي فيني شعور
ومتى جفاني العمر... وشلون أحبك

قصيدة: إلا الهوى

أبعتذر.. عن كل شيء..
إلا الهوى… ما للهوى عندي عذر…
أبعتذر.. عن أي شي…
إلا الجراح… ماللجراح إلا الصبر..
إن ضايقك إني على بابك أكر..
ليلة ألم… واني على دربك مشيت عمري وأنا
قلبي القدم...
أبعتذر… أبعتذر... كلي ندم...
عن كل شيء.. إلا الهوى..
ما للهوى عندي عذر...
اتصدقي... ماخترت أنا أحبك..
ما أحد يحب اللي يبي..
سكنتي جروحي غصب..
يا حبي المر.. العذب...
ليت الهوى وانتى... كذب
كان أعتذر لك عن هواي..
وما أقول أنا كوني معاي..
إن ضايقك أني على بابك أمر..
ليلة ألم...
وإنى على دربك مشيت عمري وأنا..
قلبي القدم...
أبعتذر.. أبعتذر.. كلي ندم..
عن كل شيء.. إلا الهوى..
ما للهوى عندي عذر..
الله كريم.. حبك.. يكون..
همي القديم..
وجرحى القديم...
والله عليم .. يا أحلي العيون..
إن الفراق.. جزا الفراق..
أبوعدك.. كان الطريق بيبعدك..
بامشي بطريق..
وكان الحجود بيسعدك...
ما لي رفيق..
أبجمع أوراق السنين.. وأودعك..
كان الفراق اللي تبين... الله معك

قصيدة: سافري

سافري كان يرضيك السفر
جربي لو ورى ليلي صباح
بدلي الرمل بأمواج البحر
واتبعي الغيم تحملك الرياح
سافري لين تبكين المطر
واضحكي لين ما يضيق البراح
ولا تعبتي وحسيتي بضجر
خلي الشوق لديارك جناح
ارجعي في ابتساماتك عذر
مثل ما الدمع في عيني سماح
أنتِ العين من طول النظر
وأنتِ القلب من كثر الجراح

قصيدة: أجمل الحزن

يا أجمل الحزن.. لدموعك سلام
من حبيبٍ … بقى منه الكلام
وين أنا منك.. غربني الزمان
وخانني النور … وأبعدني الظلام
لو بعزيك … سالت دمعتي
تدري الدمع في حبك … حرام
لو بواسيك … ما يكفي الهوى
ولو أبي … عذر ما يكفي الغرام
أعطني من عذابك يا البعيد
صرخةٍ … تجعل ظلوعي حطام
آه …لو في يدي أبكي معاك
قطرةٍ ما درى عنها الغمام
ما أبخل الوقت … يحرمني البكا
وانت لجلك حرمني الابتسام
يا أطهر الحزن … لو كان القصيد
يكشف الغم عن بدر التمام
لكتب الشمس شعرٍ في سناك
وامحي إمن السما…عج وكتام
يا عسى البدر نوره ما يغيب
عن حبيبٍ بقي منه الكلام

قصيدة: قادر الله

قادر الله … قادر الله
يالغضي.. قادر الله
نلتقي فـوسط الطريق
خطوة مني… وخطوه منك
شارع الفرقة… يضيق
قادر الله
والمحبة… هي من الله
حطها وسط القلوب
قلب يتهنى بشبابه
وقلب يتعذب يذوب
قادر الله .. قادر الله
لا.. ولا يا أبو سن ضاحك
منك ما شفنا عبوس
ما تعودنا نشوفك
إلا بهجة للنفوس
قادر الله .. قادر الله
ليتني وأنت في جزيرة
ما يجيها غيرنا
حولنا بحورٍ غزيرة
نقضي فيها عمرنا
قادر الله .. قادر الله
1198 مشاهدة
للأعلى للأسفل