شعر حمد السعيد

بواسطة: - آخر تحديث: ١٣:٢٦ ، ١ أبريل ٢٠١٤
شعر حمد السعيد


شعر حمد السعيد


حمد السعيد شاعر كويتي يعشق الصحراء والقنص ولديه العديد من القصائد الشعرية التي يتغنى بها في الصحراء والحياة البدوية وتميز شعره بالعذوبة واحاديثه عن الصقو ر الذي كان يربي احدها ومن ثم فقده والتي عبر عنها بقصيدته "الطلح " التي صور فيها الشجرة الموجودة في الصحراء تسأل عن الطير الذي فقدته التي ستعرضها لكم

قصيدة الطلح


يالطلح مامرك مع الصبـح صافـي

طيرٍ غدا لي امـس والشمـس حيـه

اتلى العهـد بـه راح يطـرد مقافـي

خبري بـه اومـا فـي جناحـه هنيـه

ورد الطلـح

لاوالله الا مـرنـا الـعـصـر وافـــي

كــنــه غــــلامٍ مسـتـغـيـر بـهــيــه

اقـبـل عليـنـا ثــم اخــذ بانحـرافـي

يـوم الحـبـاري وقـعـن لــه سـويـه

قال الشاعر

يالطلح قـل لـي عـل مابـه خلافـي

الـبـارحـه بـــرد وشـمــالٍ قــويــه

كانـه تعـشـى قـلـت عـلـه عـوافـي

والحـي يجمعـه الولـي مـع خـويـه

ورد الطلـح

لاوالله الا صــاد خــرب متـعـافـي

واخـذ عليـه مــن الثـنـادي شـويـه

لامـفـلـسٍ مـــره ولاقـــال كــافــي

يــوم اخلفـنـه عــن عـشـاه حقبـيـه

خــابــره والله قــاطــعٍ مـايـخـافـي

دايم على الصيـده تجـي لـه حميـه

انـشـدك بالـلـي منبـتـك بالسـوافـي

عـسـاه فــي خـيـرٍ ولافـيــه سـيــه

رد الـطـلـح

خبري به اقرش في سبوقه خلافي

مابه بـلا وامـرح علـى هالحصيـه

والفجر شخّـص بالنواظـر وشافـي

طـلـعـه بـعـيـد ويـمـتــه سـاحـلـيـه

قال الشاعر

يالطـلـح ذا حـبـه ولاهــو بـخـافـي

مـتـعــادلٍ حــبــه بــحــب الـبـنـيـه

بعض الطيور ان راح قلنا عوافي

لاشــك هــذا ويــن ابـلـقـى حـلـيـه

رد الـطـلـح

اتعـب عليـه وعـادت الحـر يـافـي

اضـرب سهلهـا والوعـر والشقـيـه

يجـيـبـه الـلــي رازقٍ هالعـجـافـي

بهـايـمٍ تمـشـي عـلـى غـيــر نـيــه

قال الشاعر

يالطلح لك مني يابو غصن ضافي

لاجـابــه الله وكـــل نـيــه مـطـيــه

لاجيك انا فـي موتـر القـش هافـي

واسقـيـك هـالـلـي بـاقــي بتانـكـيـه

وآطـا علـى رملـة سوافيـك حافـي

وكـلٍ عـلـى ماقـيـل يـذكـر خـويـه

قصيدة بين جفنك وعينك


بين جفنك وعينك ألف معنى ومعنى

وش بقى للقصايد يوم ترخي جفونك

أنت ياللي بزينك جيتنا تنتزعنا

وسع الصدر وارحمنا على هون هونك

أنت والله لو إنا بتسري رجعنا

لانتهى زين غيرك كنهم يبتدونك

كم بغيناك في وسط وانا اقول ضعنا

عجزت أبيات شعر معذبك يوصوفونك

كم شرينا بسوق الوصف غيرك وبعنا

وأنت مهما وصفنا كله يطيح دونك

يامضيق صدور البيض في مجتمعنا

والله إني وشعري ماقوينا عيونك

تذكر النظره اللي من وراها اندفعنا

يوم تقبل سكونك مختلط مع جنونك

ماتكلمت لكنا سمعنا واطعنا

وكن الناس مثلي كلهم يفهمونك

جيتنا في غرور ورحت تعلن ولعنا

لوتبيع حكيك والله إني زبونك

يوم قفيت والله ثقلنا مانفعنا

خذت ناس وناس ودهم يتبعونك

دام قلبك كبير راهي يتسعنا

ضفنا فيه ولاضفنا في جفونك

اثر للزين هيبه تونا مااقتنعنا

اقر لجيت تطلع وانتبه يحسدونك

لو معانا سكاكين لك الله قطعنا

بس ربك حميد وقطعتنا عيونك


ماهو بكيفك



ماهو بكيفك تواصلني تقطعني اما غلا بين او فضها سيره

ياشين لاجيت تقطع لاتوادعني ليتك تحس الوداع شلون تأثيره

ياماخذ الحب قل فيني وسمعني حب على كبر صعب ابدل بغيره

أبحتفظ فيك وادري مانت نافعني يمكن مع الوقت اقول محبتك خيره

والله تدري وش اللي معك دافعني اني معاك انت امارس آخر الغيره

واحب فيك البرود اللي يقاطعني لو ماتكلمت صمتك صعب تفسيره

ياللي عليك البشر شفها تقاطعني منين ماوجه الهقوات لك سيره

ياشينها من الخوي قول اتركه طعني ماغير شره ولا انت بشايفن خيره

ياشينها منك لاجيتك توزعني في عذرك اللي على هالظرف تجييره

شف كبر صبر البشر ماعاد ياسعني واكبر هموم العباد اشوفها صغيره

وش جاك مني خطا يومك تبيعني في سوق ذقها عليك اسوقها جيره

انا اذكر انك الا من قلت دلعني القلب هانت علشانك مشاويره

يامشغل القلب بين تحبني و يعني شفني عليك احترق ياسيدي حيره

مرات اقول اتركك لاشك يمنعني شي يقول أعذره واقبل معاذيره

قلت احتفظ فيك وادري مانت نافعني يمكن مع الوقت اقول محبتكخيره