شعر عيد الفطر

كتابة - آخر تحديث: ١٣:٣١ ، ٢٠ أكتوبر ٢٠١٤
شعر عيد الفطر

كثيرة وعديده هي تلك القصائد التي قيلت في مناسبة العيد، وأحببت أن أجمع لكم بعضها هنا:


العيد عيدنا به بأيمن صعافيق ... والعيد الآخر بالحفر والدّجاني!!!


...


أقول في نفسي وأنا أعايد الناس .....متى بشوفك تكمل أفراح عيدي

أجامل وربي عليم ٍ بالإحساس ....... وشهو شعوري وأنت عني بعيدي

اللي خذاني لك على سهو هوجاس ..... حسيت نفسي وسط ربعي وحيدي

لو حسوا بما بي يقولون لاباس ....... بدال قولة على عيدك سعيدي

لاصرت عندي وقتي أعياد وأعراس.... حتى ولو إني وسط سجنٍ حديدي

عاشرت خلان وتخالطت بأجناس..... محدٍ سواك أهديته القلب بيدي !!

من تحت ما طا الرجل لي هامت الراس.... كلش هويته فيك والله شهيدي

لقيت بك ذوقي وأنا قاطع الياس...... ومعك بدا يحيا الأمل من جديدي..



كلن نهار العيد عايد حبيبه...... وألتم شمل القلوب المواليف

وأنا حبيبي غايب الله يجيبه.......ويا حسرتي كان انتهى العيد ما شيف!!


عساك من عوادة اللي تعودة ......اللي سقاني ذبلة في ضحى العيد

الجادل اللي كن زمة نهودة......نبت الزبيدي في محاجر جليعيد

من خلقة الدنيا وبنيت عمودة......والبيض في كيد الهوى كيدهن كيد.؟

نمر علي وضحى قصيدة شهودة....ومن قبلنا عينت ((((عليا وأبا زيد))))

ولد الخفاجي راح وأمة تذودة.........خذن قلبة بلمنى والتواعيد

يبي يوري مع هل الخير جودة........وأخر لنا (قصر الأخيضر , وعربيد)


العيد يجمع الله فيه القرابه وتصفى فيه كل النفوس المعاليل

سنه الله في منزل كتابــــه فرح وسعاده مع تكبير وتهليل


عيدك مبارك صاحبي وين ماكنـــــــت ****** يزف لك نبض الخفوق التهانـــــي

عيدك مبارك كثر مابي تمكنــــــــــــت****** كثر الغلا اللي بالضلوع المحانـــي

او كثر مافي فرحة العيد حزنـــــــــت****** وارخيت لجيوش العذاب العنانـــــي

يوم التفت وشفت ماغايب الا انـــــت****** ضاق الوجود وكل هم" غزانـــــــي


...


ياعيد مالك نظرة في عيوني 000نسيتني مدري زماني نساني

ماقدرت افراحك تعانق شجوني 0احزاني اكبر من كلام التهاني

حاولت اجاري فرحتك واكشفوني 0لاجيت ابضحك ماستمرت ثواني



شوفتك عيد وجيتني ليلة العيــد...والعيد صار بشوفتك عيد ثاني

أنا حظيظ بجيتك يا أتلـــع الجيــد... ليلة فرح فيها نـــزف التـــهاني

بعض الصدف تسوى جميع المواعيد...يرسم بها الواقع خيال الأماني


ياساعة الفرحه تشوقت للعيد****عيد العيون وعيد قلب الصبابه

رد الجمال لشوفتي يا أتلع الجيد**** واسحب على حرفي لحون الربابه

حرفي بصوتك يا أجمل الصوت تغريد**** يا رمز حبي هاك رمز الكتابه

يا صبح عمري فيك للعمر تجديد**** وحبك يجدد كل يومٍ شبابه

للعيد والقمرا وحسنك مواعيد**** وليل الهوى شرّع للأحباب بابه

يا ما زعجت الصوت باسمك تراديد**** ويا ما نسيم الوجد يمك سرابه

وياما تمنيتك على باقي الغيد**** وأقول مثلك يا غلى الروح مابه

يا قطرة الغيمه على يابس البيد**** رد الحياة لخافقي يا ذهابه.


...


عيدك مبارك يا هوى البال وسعيد...وكلٍ يهني صاحبه وقت الأعياد

بس الرسايل يا منى الروح ما تفيد... ولا تغني الصوره عن الشوق لازاد

لابد تزور الدار في فرحة العيد ... يا منيتي شمس الموده والإسعاد.


...


يقولون هذا العيد ...يا زين يوم العيد**** صغارٍ تسابق في ملامحهم الفرحه

وأنا أقول هذا العيد عيداً ما هو بسعيد****نكد صار يوم العيد مثل أمس في جرحه


...


أقبل العيد مستفيض الجلال مستنير الشروق والآصال

أصبحت من صباحه الناس في بشـ ـر وأمستْ من ليله في اختيال

التهاني على الشفاه تراجيـ ـع تغنّت بفرحة الإقبال

والأماني بين الجوانح خفق دائب بالرجاء والابتهال

العيد لبس الثوب بين نضارة تختال فيه بزهوة وجماح

أو رفع أعناق الرجال ومشيها في بزَّة تزهو مع الأطماح

لكن عوناً للضعيف ومنحة وسداد رأي في هوى وصلاح

العيد أن تعطي الجميل وترتضي سبل السلام وسيلة الأفلاح

أطلَّ العيد في ثوب جميل يطوف على الروابي والسهول

وجاء الحب يغمر كل قلب يبدِّد قسوة الهجر الطويل

فأسفر في صباح العيد وجهٌ ووجهٌ فيه آذنَ بالأُفول

وكم قلب تأوَّه في صباح وكم دمع تهامى في أصيل

وكم بالعيد من بيت سعيد تذكر فاستحال إلىعويل

702 مشاهدة