مسجات ليبية حب

مسجات ليبية حب


مسجات ليبية حب

مسجات حب ليبية قصيرة

فيما يأتي بعض مسجات الحب الليبية القصيرة:[١][٢]

  • مرايف عليك ملهوف كبدي ذايب اللي مستغربه كيف النفس موجود وانت غايب.
  • في روح روحي جوة، قدرك تمكن ما اتشيلة قوة، ما زلت غالي في روح روحي جوة.
  • سوده سوده بدت حياتي مظلمه وأيامها معدوده، يا غلاي في بعدك حياتي سوده سوده.
  • مش سوا عمره القمر ما تلحقه الوطا غلاك وغلا الآخرين مش سوا.
  • طمن بالك، ما عاد عندي صبر تميت نرجي في الكفن والقبر من ضيق خاطري.
  • انعزك وما نرضي عزيز بدالك واثق غلاك ارتاح طمن بالك.
  • البحر لو جابوله خبير وقاسه ما ييجي جنب غلاك حتى طاسه.
  • ارفع سلامي يا سحاب احكيله اشتاق خاطري وما لقيت كيف نمشيله.
  • حاضر ايقولولك، القلب والعقل والروح عبيد ينصاعولك، أنت بس تأمر وهم حاضر ايقولولك.
  • يقسم ونحطه في عيوني هلي في شانه كرهوني.
  • جن اجنوني غايب عليا الزين ضي عيوني ساحرني غلاه جن اجنوني.
  • احنه اتربينه على مبدأ الجدود أبطال هم غابو واحنه وراهم جينه.
  • لحظة راجي، مسجون في قلبك انريد افراجي يلي خديت العقل، لحظة راجي.
  • بكره وبعد بكره واليوم وأمس عندي غلاكم كيف نور الشمس موحال ينتسي.
  • القلب لك ينادي والروح بعدك سراب كل الوجوه تغيب عادي وأنت غيابك عذاب.
  • غالي سومك… يا عوين من هبت عليه أنسومك… مثيل الذهب فالسوم غالي سومك.
  • عليك مرايف، حتى وأنت متكبر وروحك شايف، نشهد بالله إني عليك مرايف.
  • ما نقولها غير ليكم، يلي خذيتو الروح بين ايديكم، كلمة غوالي، ما نقولها غير ليكم.
  • قمر ومن حقك تدلل، وفيك البحر يتغزل، مشتاق والله يا غالي ومن غير شوفتك ما نقبل.
  • امعاكم عقلي عايش رسمي غير اسماه مسجل باسمي.
  • يا رفيق عيوني انصونه غلاك ونحرسه بجفوني وما يوم ترخص يا رفيق عيوني.
  • كيف بكيف، قبل الربيع موالفك عالصيف، الخاطر يميل معاك كيف بكيف.
  • لا مال دنيا ولا ذهب يغنيني أمغير شوفتك وسط الحياة تكفيني.
  • سلام دافي مبعوث مع حنين أريافي للناس الغالية يلي بالود اتكافي.
  • غلاكم ما طقه مخلوق، مكانه في منبت العروق.
  • لو كان ليك إندزه تنسى روحك وإللى حذاك تلزه عندي غلاء، لو كان ليك إندزه.
  • يا ريتني ما بين رمش اهدوبك، نسقيك الغلا والناس مايدروبك، ياريتني نقدر انخش أحلامك.
  • انجيب المطر يسقن ربيع أيامك، وانخلي دفء الحب النقي قدامك، وانخلي زها الأيام دوبي دوبك.
  • تسلم حياتك وطابت اوقاتك يلي يزهى القلب بــ ملاقاتك وتضحك العين كان راتك.
  • ما شلتكم من بالي قاعد غلاكم كيف قبل وتالي متل الدهب في السوق سعرا غالي.
  • وحق من نزل القران سورة سورة غلاك وسط القلب واخد دوره، يلي عليا تعز.
  • يا نسمات الليل امشيله، الغالي في ودنه قوليله، في الدنيا ما لقيت متيلة.
  • سلام خاص على ناس ما هم رخاص لا يمل القلب منهم ولا يقول خلاص.
  • كيف أمورك، يلي العقل اليوم سافر شورك، عليك ننشدوا بالله كيف أمورك؟
  • برشا برشا غلاك ما يمتحى بليفة حرشة.
  • الله ينورهم، ناس غريق بحرهم، لوغابوا علي نغطس وندورهم.
  • يعلم الله بشوقي ويعلم بلاكم حايسات خلوقي يلي غلاكم فات كل حدودي.
  • كان المحبة عيب هذا عيبي، سوا نعيش وإلا نموت راك حبيبي.


مسجات حب ليبية طويلة

فيما يأتي مجموعة من المسجات الليبية الطويلة:[٣][١]

  • يابريوشه، حبك ضرب قلبي ناشه نوشه، يرقص ويغني داير دوشه، مولع نار غلاه زي الكوشه، كيف انحوشه وهو خطف قلبي وداره حوشه.
  • أنت الغلا كله وأنت السؤال الصعب وأنت حله، وأنت خيال الروح وأنت ضله، وأنت عزيز للقلب وأنت خله، وأنت سواد العين والبياض كله، وأنت وأنت وأنت سرقت العقل والفكر كله.
  • غير يجيني مازال في عقلي ان هو ناسيني نلقاله عزيز العذر غير نشوفه، لا نريد عذر لا نريد حلوفه اللي في غيابه كبدتي ملهوفة، القاسي اللي ما حن كيف حنيني من غير عذر مقدرين ظروفه عندي عزيز وجيته ترضيني.
  • هيهات تلقى كيفي وهيهات تلقى ذرع يكسر سيفي بلا مفخرة، هيهات تلقى غالي وهيهات تلقى في الغرام بدالي، وهيهات تلقى كيف زولي والي وهيهات تلقى كتف كيف اكتيفي وهيهات، هيهات كيفي تلقى وهيهات كيفي تنسجم في ملقى، وهيهات كيفي في الغرام بتشقى وهيهات كيف كيفك يكيف كيفي، وهيهات.
  • خود بيدي ارميني على مرساك قبل مااتعدي راني غريق غلاك، غريق ابحورك مشتاقلك جوال ماشي شورك لي عقل ما يزهى إلا بحضورك إن غبت يبقى في شقى متكدي.
  • كلمة حق عليا احسبها قدرك عالعين وحاجبها، خون الرفقه ما نعرفو محال و طعن الحبيب في الضهر مهو لينا، احنه اتربينه على مبدأ الجدود أبطال هم غابو واحنه وراهم جينه.
  • تستاهل اللي ما قدرت نقوله وتستاهل نهديك قلبي بعرضه وطوله وتستاهل نهديك القمر لو قدرت نطوله وتستاهل تبقي بقلبي دوم بعد الله ورسوله.


المراجع

  1. ^ أ ب "مسجات ليبية للهاتف 2019"، حنين الحب، اطّلع عليه بتاريخ 8/5/2022. بتصرّف.
  2. "رسائل حب ليبية"، لحظات، اطّلع عليه بتاريخ 8/5/2022. بتصرّف.
  3. "مسجات حب ليبية"، الإبداع الفضائي، اطّلع عليه بتاريخ 8/5/2022. بتصرّف.
1256 مشاهدة
للأعلى للأسفل