كلام عن خالي

بواسطة: - آخر تحديث: ١٠:٤٤ ، ١٧ ديسمبر ٢٠١٨
كلام عن خالي

الخال

الخالُ هو الأب والأخ والصديق المقرب لأولاد أخته فهو يحبه ويحنو عليهم، فهو يترجم محبته وتقديره لأُخته، ويحبهم مثل أولاده، وفي هذا المقال كتبنا لكم عبارات عن الخال.


عبارات عن خالي

  • عسى خالي إللي أتعب يمينه ورباني، يجزاه ربي بجنة الخلد له بيت.
  • وشلون ما أدّلع وأنا بنت رجال من مولدي يقول لي الأميرة.
  • خالي دلعني وقال بنتي تكبر وبعيوني صغيرة.
  • خالي رباني على مكسب الطيب ومن قبلھا، خالي على الطيب رباه نقصر عن دروب الرِّدى والعذاري والطيب نلحق صاحبه ونتعداه.
  • يا بوي ترى اسمك ورى اسمي معزّة ماني بشيخ لكن أفعالك تشيخني.
  • علمتني من صغر سني على الطيب وعلمتني ويش الوفا والكرامة، خالي من جميع العذاريب سبحان من كمّل نباه ومقامه.
  • خالي طلع لك شيب؟ يابعد حزن الغريب هذا بياض الغيم على وجه المغيب، هذا نتاج الطيب على هيئة نحيب، مو عيب أحبك شاب وأحبك لين المشيب.
  • يا خالي كن المراجل لك فناجيل ودلال، وكن الزمن من هيبتك جاء يقهويك ولو المناصب تتاخذ بطيب الأفعال ترى المناصب كلها ماتكفيك.
  • خالي عسى صبح نوى جرحك يموت وما طلع به شمس.
  • يا خالي ماقد همس لك شماغك وقال يا جعلني فدا راسك.


كلمات عن خالي

  • خالي وكلي فخر لا قالوا إني وحدة من بناته.
  • يارب اجعل لخالي الجنة وحدائقها وقصورها، يارب عن كل تعب يبذله لأجلنا عوّضه به زرعًا وبرادًا و قطوفاً دانية في الجنّة.
  • خالي رباني وزرع بي مواجيب، يجني ثمرها كل منهو عرفني.
  • يا خالي ليت العمر يهدى من إنسان إلى إنسان، والله لأهديك من عمري وأشيب بدالك.
  • ماذا لو كانوا الرجال مثل خالي لا أستطيع تخيل جمال الكون حدّ الترف.
  • لو البكاء يرجعك يخالي لأبكيك.
  • عسى رأسك يا خالي اللي كساه الشيب للجنة.
  • يا خالي ما ظنيت هالأرض شالت لك شبيه.
  • يا خالي عسى من هو نوى جرحك يموت.
  • خوالي وربي ما انخلق مثلهم.
  • والي عنده غالي مثل خوالي يحمد الله ويشكره.
  • خوالي أنتم كل حياتي وأنتم روحي ومرادي أفديكم أنا.
  • صح كل البشر ربي خلقهم من تراب لكن خالي مغلى ترابه.


قصيدة خالي

سلام يا خالي ولد خالي الخال اللي وفاء بحقوق من صار خاله


عز الله إنك خال يا طيب الفال ونعمٍ بخالي كل ما جاء مجاله


معقودةٍ بفعولك أمال وأمال يا سالكٍ درب الشرف والرجالة


أنت الذي فعلك نفل كل الأجيال تكرم كرم حاتم وتفعل إفعاله


ساس الوفاء والطيب بك يا ابن الأبطال عيال غادٍ يا عسى الخلد فاله


فيكم كرم للضيف مع زين الأفعال وقت المعارك والظفر والشكاله


وأنتم هل الفزعة كريمين الأسبال أهل السخاء والجود وأهل والجماله


أبو فهد لاجت بالإقفا والإقبال يرسي كما ترسي رواسي جباله


حلال قالاتٍ عريضات وطوال عون الرفيق وسم راع الضلالة


ما هو من اللي مع هل الدار ميال يحلها بحكم الشرع والعدالة


جعل الولي يحماه من كل النذال واللي يعادي له تصيبه بحاله


ونايف أبو مشعل للأشراف مدهال ولأهل الكرم والطيب يازين باله


به ميزة ما توجد بكل رجال حب الرفيق وحب منهو عناله


وكلهم وافين ما احتاجوا إكمال الكل منهم وافيات خصاله


وأنت يابو ليلى بك الطيب مازال فعلك به يبين الوفاء والكماله


وفهد وخالد والنعم فيهم رجال نسل الرجال أهل الأصل والأصالة


وسطام لأمنه حداك أشهب اللال تلقى السعادة والهناء في قباله


وتركي كريم ما خذا قلبه المال يبذل ولا هو من ربوع النذالة


وجميع منهو يا فتى الجود لي قالت رأي خال لك وأنا من عياله


وأطلب عن الزلة سموحتك يا خالي وافين بحقوق من صرت خاله


لبيك يا خالي

لبيك ياخالي ولا قلت لبيك


إلا ل أبوي ومن ورى أبوي خالي


أسوق لك روحي على راحة إيديك


وأجيك كلي يا بعد كل غالي


  • أزعل جميع الناس من شان أراضيك


وازعل إذا ما كفاك يا خال حالي


مبدئي واضح ما يخالف مباديك


وصدري على خبرك وسيع وشمالي


لو غبت عن عيني فلا غاب طاريك


دايم نصايحك الثمينة في بالي


أفخر بك وأقصد قصيدك وأغنيك


وأرقى بذكرك فوق روس العوالي


حاضرك يحكي لي تفاصيل ماضيك


يا تاج راس المجد يا راس مالي


لو شفت قدرك في حنايا محاكيك


ما كان قلت إني في غيبتك سالي


وينك صداها من هواجس بناخيك


قصيدة تدوي في صدر الشمالي


مضمونها لبيك لبيك لبيك


ولا تقال إلا لأبويه وخالي


أنتم خوالي

سلام يا رمز الكرم يا السلاطين


وشلون ما أفخر دام إنتم خوالي


ما قولها مجامل ولا طالب شين


ماغير أقول اللي يدور بخيالي


الطيب واضح يا خوالي من سنين


أفخر بكم وأفخر بربعي وحالي


أنتم سند للي يبي له معينين


وأنتم سهام الموت والراس عالي


وقفاتكم ما تنسى بالميادين


ساسن رفيع ومنزل بالعلالي


من ماضي الأزمان وأنتم وفيين


وقلوبكم بيضاء من أول وتالي


يحق لي أفخر خوالي سلاطين


اسم على مسمى فديت الخوالي


ما قلتها من ضام أوشاكي دين


أقولها وكلي فخر بالرجالي


إن قلت سلطاني له الطاري الزين


صيته يزلزل شامخات الجبالي


ضعيفهم ما يشكي الفقر والبين


عنده رجال أهل اليمان الطوالي


من طيبهم ترجح جميع الموازين


ومتقاسمين مجدهم والمعالي


يستاهلون المدح للمدح زاهين


ويستاهلونه يوم جاله مجالي