شعر شهد الشمري

شعر شهد الشمري

شعر شهد السامري من قصيدة محتاجة كلـش إلك

محتاجه كلش الك يل الشاغل أنت الفكر

محتاجه الك مو حجي وارتاح من ينذكر

هنياله من كابلك يا أحلى صورة شعر

محتاجه ألك ماتجي ما باقي شي بالعمر

زعلان؟ ليش الزعل زعلان أنه اعتذر

بس ارجع لخاطري صير على نحري

عطر

صير على جفني كحل

حليني بين السمر تعبني ذرف الدمع

بس ماطفالي الجمر بركان في داخلي

ويا خوفي لا ينفجر شمأخرك ماتجي

ما ظل ألك كل عذر

اهلال جرحك كمل أي كمل وأصبح بدر

صدكني حيل أتعبت حبك عسر مو يسر

اترجيت وتوسلت بيك شكثر و شكثر

ما فاد بيك الرجه وجبرتني لهل امـر

ما بعد أضلن شهد خليك مني حذر

واحجيهه لا تستحي كول أنت طبعك

غدر

حبك تحية صبح ما تلفض بالعصر

روح وبعد لاترد شي عادي صار الهجر

الماعرف معنى العشك ما بعد أحطله كدر

جانت درجتك ألف بس هسه صارت صفر

مشكور سهمك

مشكور سهمك وصل مشكور ما قصرت

مو أنت أول جرح كبلك جرحني الوكت

وجنت أطمع بطيبتك وانت بدموعي طمعت

وإنه اتخذتك أخو جا ليش بيه اخذلت

وتكول عني اخطئت فهمني بيش اخطئت

واحسبني أخوك وخطأ تخسر لون سامحت

وإنه اعتذرت شكثر عالماكو وتوسلت

وطخيت الك هامتي وبزايد تكبرت

لتصير غيمه بسمه يلي بدليلي أثبتت

ومن دون ربح وطمع منك شفتني طلبت

شمعة أنه في رقتي وبطيبك تلذذت

تحركني نارك حرك وكبال عينك ذبت

هلبت كسر خاطرك حالي وعليه شفقت

أدرى بظميرك عدل معقوله أنت المتت

معقوله كلبك جلد وبطيبك أنه وهمت

ضليت أشك بالعقل بس بيك ما شككت

خليني أحس بالألم بس كونك أنت فرحت

أدري الزمان اضلمك وبراسي راسك خذت

ولهسبب عاذرك حاسبني اخوك ومنت

ماحسبتني انذبح ادريك ما حسبت

لو حسبت جا كلت هسه أنته ليش عركت

يل تستحي من الهوه لو كابلك دنكت

وهذه الكتلني قهر بس بسهم نيشنت

وبجرئه صبت الهدف لمن عليه سددت

مشكور سهمك وصل مشكور

شعر شهد السامري من قصيدة لو كبل

لو كبل ملتقية بيك ولو كبل شايفتك أني

جا وهبتك كل حياتي إحساسي وجفوفي وحناني

جاصرت شامة على خدك ما تعوفك لو ثواني

يعني اصيرن أولى عندك لأن ما أقبل بثاني

لا تقربلي المسافة ولا تعيشني بأماني

الشمع لوذاب يخلص كدرة بخدود الصواني

ماتدك بابي السعادة على حساب اللي تعاني

فدوة تفهمني اشكلك؟ شخصك أتأخر أجاني

لا هو ذنبك لا هوة ذنبي بس ذنب وكتي وزماني

ابتعد من عندي وارحل غيري منتظرة وتتاني

وانة ما أحب الشراكة حتى لو كلمة بلساني

وانت كافي أتلوم ختك.. جيف بختك ماحواني

عيش بأحضان التحبك حتى لو كلبك هواني

الكم أتمنى السعادة كلبي بالحب مو أناني

إحنة في مسك الختام والنة ما تحلى التهاني

الكم اتلوك البعضكم يعني ما أرهملك أني

شعر شهد السامري من قصيدة هواية أحبك

هواي أحبك يا شمعتي يا صباح الله وفرحتي

يا نظر عيني وكحلها ويا تراجي وكذلتي

من تغازلني أعلنت بالحب أطير واترس بضحكتي

الصبح لو ما ضحكت تكسر الخاطر غرفتي

وعودتني بصوت دافي وين يا عمري بذلتي

بيدي اشيكك واترك أنفاسي بقميصي وأخذ من الشبكة حصتي

اوبقه اتاني واحسب الخطوة لرجعتك ها وصل ها روحي فرحت يعني اجيت

والكه بإحساسي عروس ودخلتك على البيت زفتي ولمست جفوفك تخلي إحساسي طير

والكه ذرعانك شذرتي وانسه كل شي وأحجي كلشي والكه شفتين حنان الله على شفتي

أويلي أإذا زعلان شفتك باردة تبين جنهم من أقارنه بحسرتي تدري هواي احبك

هواي أحبك موت أحبك كومة أحبك كله خلي تسمع صرختي أنا مجنونة بغرامك

ويا فضحتني رحلتي اكتب اسمك وانسه درسي كل شي ما حل بورقتي

وباقيه لحد هذا عمري، وسولفت للناس قصتي لك شفت جرح الحقيقه ونزلت على الخد دمعتي

أنت وينك جاي أخابر فدوه جاوب أي عفيه جاوب الو

يعني مات أي مات وكل شي مات بداخلي بهاي الحياة وخلصت الرحلة الأليمة

ولفي بأحضان المكابر واني وين الذكريات

شعر شهد السامري من قصيدة نسيتك

نسيتك أي نسيتك وانتهى الشوك

وبهاي القصيدة اتذكريتك

أمس بأجمل قصايد جنت أناغيك

ودلال أطفال بيهن دلليتك

ألف كلمة أحبك كاتبه عليك

وكتبت اليوم عنك بس هجيتك

فوك الراس شلتك شفتك إنسان

ورميتك من فلا تسوه لكيتك

دفتر حسبيتك منكتب بيك

جنت ما اشوف لمن صفحيتك

آثاري بورقتك كتبوا دواوين

وأنه آخر ظرير إلى اشتريتك

أسود من ضميرك ثاري ماضيك

وبمرود مذلتك كحليتك

منك ما خذت عكس المشة وياك

خذت من روحي راحتهه ونطيتك

جنت لمن تحس تجويني ترتاح

وانه المستعرة ناري وما جويتك

وجنت يوميه تعشك واحد اثنين

وعلى الحبوني كلهم فضليتك

ما نادم هجرتك جان مفروض

كبل كل شي الخلص تخلص قضيتك

9591 مشاهدة
للأعلى للأسفل