شعر عراقي غزل

شعر عراقي غزل

شعر عراقي غزل من قصيدة أحبّك مو لأن أنت حلو

أحبك مو لأن أنت حلو، لا

لأن روحي التقت كبلي ولك بيك

إذا إنت تمُّر ع الأعمى يصيح الله

والأخرس لَّون حاجيته يحاجيك

أذب كلبي على سهمك وآنه مجروح

وأكلك دير بالك أخاف أأذيك

إجرَّحني ولك بس كون عالكيف

لأن إنت ويَّه دمي وخاف أبديِّك

إجرحني ولك بس كون ما موت

حتى مِن يتهموَنك أبريّك

على المراية وكفت ما شفت وجهي

وشفت وجهك طلعلي وكمت أحاچيك

وثبت بمرايتي وجهك مرايات

وأباوع وجهها مرايتي بيك

بكذلتك شِّد ركبتي وطلع الروح

أريدنها بعد تتكرب عليك

أنت بحضني وأكول بعيد

أريدن هيچ كون آنه انخبط بيك

بيا شارع مشيت كبالي ألاكيك

أفوت بغير شارع هم ألاكيك

أرد للبيت كبلي الكاك بالباب

اطب كبلي تطب وتكلي أتانيك

بغيرك فكّرت كلت آنه أنساك

طلع غيرك يشبهك وفكرِّت بيك

طلع غيرك يشبهك وفكرِّت بيك

شعر عراقي غزل من قصيدة سميتك نفس لو ينكطع ما عيش

سميتك نفس لو ينكطع ماعيش

سميتك نفس لو ينكطع ماعيش

سميتك نفـس لو ينكطع ماعيش

وسميتك حبيبي وروحي سميتك

عفت الناس كلها وما عشكت إنسان

بس أنت أعجبتني وحيل حبيتك

أعز مني عليه وغالي عالروح

عليك أجذب إذا فديوم مليتك

انتهينه

وكشخة الكمره بدمعتي

كلتي اجيك ولملمت كل النهار

وادري جنج ما كدرتي

قدرت ضرفج واعرفه

ساعتج وردية يمه

وساعة السودة بغرفتي

لمي طيفج لا يلم وادم عليه

مطشره بوجهي فشلتي

شعر عراقي غزل من قصيدة أحبّك

أنا بس بالكلام وذايب بحبّك

وأفكر بيك أنا في ليلي ونهاري

إذا شفتك صدّك شو يصير أنا بحالي

أظن يغمى عليّ وأفقد إبصاري

تعال وصير إلي بالحب غطا وفراش

ودفّيني بحنانك واعرف أسراري

أحبّك كالطفل من يهوى صدر أمّه

يموت من القهر لو فطمته إجباري

زرعتك بالعشق وردة وصرت لك ماي

غصن حبّك شرب من أعذب أنهاري

أنا بدونك مثل بيت أنهدم ساسه

تعال ابني أساسي وابدأ أعماري

حبيبي ارحم بحالي حن على قلبي

أنا بهجرك دمع بعيوني ضل جاري

صرت أنت بقلبي كالنّبض والدم

وسمّيتك حبيبي ملهم أفكاري

تعال وخلي أيدك تشبك أيديّ

واحضنّي وطفّي بالعشق ناري

شعر عراقي غزل من قصيدة هنيالج غفيتي

نمتي، هنيالچ غفيتي

وإنه ليلي يمر على عيوني صبح الينيَّم

وردة ويمسد عليها

مو مثل ليلولي وينيم جرح

والغفة ابكلمة محنة

مو مثل الينام وبعينه ملح

لا حبيبي، آنه هذا الليل من يمرني دمعة وحزن وأشواك

وحنينآنه عيني عليك ما بطل دمعها

تبجي ما تسكت العين

شعر عراقي غزل من قصيدة شنو يسوه

شنو يسوه العمر لو زفتك تفوت

تصير ألغيري عندي الموت أرحم

أذبح ضحكتي لو گالوا أفـلان

لبس باليسرى حلقة البيها أحلم

تتناثر أعضاي بوحشة الليل

وأتبعثر حبيبي وبيك أنلم

صارت حالتي كلمة بحلك خرسان

يحچيها أبشارة وأيده تتلعثم

خناجر بالكلب نبتن بعد فرگاك

كل عقلك يغالي بدونك أسلم

بعدك يا حبيبي الموت كحل العين

أجه كحل عيوني وتالي صخم

أتيتم بدونك هيج حالي يكول

ترضه يكول حالي أفلان يتم

ما أعرف حبيبي غير جملة وبس

ألي أنته غير أحروف مَعلم

ياهو بهل بشر يترس مكانك يوم

وأنت الكون يمك حيل أنعم

وأنت الكون يمك حيل أنعم

915 مشاهدة
للأعلى للأسفل